И ныне и присно и во веки веков. Аминь.

Стих: Честна пред Господем/ смерть преподобных Его.

Радуйся, священнейший уме,/ Троицы чистое обиталище,/ столпе церковный,/ верных утверждение,/ побеждаемым помощь,/ звездо, яже сияньми благоприятных твоих молитв/ разоряя напастей же и скорбей тьму всегда,/ святителю Николае,/ пристанище тихое, в неже притекающе/ треволненьми жития одержймии спасаются,/ Христа моли// душам нашим дати велию милость.

Стих: Священницы Твои облекутся в правду, / и преподобнии Твой возрадуются.

Радуйся, ревности Божественный исполнивыйся/ и наведения зла избавль неправедно хотящих умрети/ предстанием страшным и сна запрещеньми, / источниче, источаяй в Мирех, Николае, миро богатно/ и души напояющее, / смрады же страстей отгоняющее,/ меч, плевелы прелести посекающий, / лопата, развевающая Ариев а плевельная учения. / Христа моли // низпослати душам нашим велию милость.

Глас 6:

Сла́ва Отцу́ и Сы́ну и Свято́му Ду́ху.

Человече Божий и верный рабе,/ слуго Господень, / мужу желаний, / сосуде избранный, / столпе и утверждение Церкве,/ Царствия наследниче, // не премолчи, вопия за ны ко Господу.

Глас той же:

И ны́не и при́сно и во ве́ки веко́в. Ами́нь.

Безневестная Дево,/ откуду пришла еси?/ кто родивый Тя?/ кто и мати Твоя?/ како Зиждителя носиши на руку?/ како не растлйлася еси утробою?/ о, великих, преславных на Тебе страшных таинств,/ на земли совершаемых, зрим, Всесвятая!/ и предуготовляем достойный Тебе долг,/ на земли вертеп, / и от Небес просим подати звезду, / и волсви же приходят от востоков земли к западом / видети человеческое Спасение, // во яслех пеленами повиваемое.

Тропа́рь, глас 4:

Хор: Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ благослове́на Ты в жена́х/ и благослове́н Плод чре́ва Твоего́,// яко Спа́са родила́ еси душ на́ших. (Два́жды)

Тропа́рь святителя, глас 4:

Правило веры и образ кротости, / воздержания учителя/ яви тя стаду твоему,/ яже вещей истина./ Сего ради стяжал еси смирением высокая, / нищетою богатая, / отче священноначальниче Николае,/ моли Христа Бога // спастися душам нашим.

У́ТРЕНЯ.

Тропа́рь святителя, глас 4:

Правило веры и образ кротости, / воздержания учителя/ яви тя стаду твоему,/ яже вещей истина./ Сего ради стяжал еси смирением высокая, / нищетою богатая, / отче священноначальниче Николае,/ моли Христа Бога // спастися душам нашим. (Два́жды)

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Богоро́дичен воскре́сный (по гла́су «Сла́вы:»), глас 4:

Еже от века утаеное / и Ангелом несведомое таинство, / Тобою, Богородице, сущим на земли явися Бог, / в неслитном соединении воплощаем / и, Крест волею нас ради восприим, / имже воскресив первозданнаго, // спасе от смерти души наша.

Величание святителю Николаю:

Величаем тя, / святителю отче Николае, / и чтем святую память твою: / ты бо молиши за нас / Христа Бога нашего.

Проки́мен и чте́ние Ева́нгелия:

Диа́кон: Во́нмем. Прему́дрость во́нмем, проки́мен, глас четвертый:

Хор: Честна пред Господем,/ смерть преподобных Его.

Диа́кон: Что воздам Господеви о всех яже воздаде ми.

По 50-м псалме стихира, глас 6:

Наследниче Божий,/ сопричастниче Христов,/ служителю Господень, святе Николае,/ по имени твоему тако и житие твое:/ спросия бо седине разум, / свидетельствоваше светлость лица твоего душевное незлобие, /извествоваше кротость слова молчаливое./ Жизнь твоя славна/ и успение со святыми,// моли о душах наших.

Хвали́тны псалмы́, глас 8:

Хор: Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Чтец: Стихи́ры воскре́сные, глас 1:

На 8. Стих: Сотвори́ти в них суд напи́сан:/ сла́ва сия́ бу́дет всем преподо́бным Его́.

Стихира:Воззрев неуклонно на высоту разума/ и узрев неявленно премудрости глубину, / твоими ученьми мир обогатил еси, отче.// О нас присно молися

Стих: Хвали́те Бо́га во святы́х Его́,/ хвали́те Его́ в утверже́нии си́лы Его́.

Стихира:Человече Божий, и верный угодниче,/ и строителю Того тайн, и мужу желаний духовных,/ столпе одушевленный, и вдохновенный образ,/ яко Божественное бо сокровище, тя Мирская Церковь, чудящиея, прияла есть / и молитвенника о душах наших.

На 6. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира:Церковный цветы облетая,/ якоже птенец Вышняго гнезда Ангельскаго, / Николае треблаженне,/ зовеши присно к Богу о всех нас,/ иже в нуждных бедах и искушениих, // и избавлявши молитвами твоими.

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Стихира:Священныя одежды красоту / деятельными соделал еси добродетельми светлейшую, / отче Богоносе./ Темже нам священнодействуеши дивная,/ славных чудес священнодетелю, // лютых избавляя ны.

На 4. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира:Невидимых доброты проходя,/ страшную ону разумел еси/ славу святых, святе./ Темже нам Небесная словеса/ присноживотных онех видений являвши, // священнейший отче.

Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира:Яко во сне предстал еси благочестивому царю / и узники, отче, от смерти избавил еси;/ молися непрестанно,/ яко да и ныне молитвами твоими/ избавимся от искушений, и бед, и болезней, // достойно благохвалящии тя.

Глас 5:

Сла́ва Отцу́ и Сы́ну и Свято́му Ду́ху.

Вострубим трубою песней,/ взыграем празднственная/ и ликовствуем, радующеся,/ в молебное торжество Богоноснаго отца. / Людие да стекутся / и иже сонным страшным явлением царя препирающа/ неповинно держимыя три отпустити воеводы, да воспоют./ Пастырие и учителие,/ Добраго Пастыря подобноревнйтельна пастыря, сошедшеся, восхвалим,/ иже в недузех врача,/ и иже в бедах избавителя,/ грешнии заступника,/ нищий сокровище/ и иже в скорбех утешителя,/ спутника путешествующий, / на мори сущии правителя/ и вси везде тепле предваряюща,/ великаго святителя восхваляюще, сице рцем:/ пресвятый Николае,/ предвари, и избави ны от настоящий беды, // и спаси стадо твое молитвами твоими.

И ныне, Богородичен, самоподобен. Творение Патриарха Германа::

Хор: И ныне и присно и во веки веков. Аминь.

Вострубим трубою песней:/ приникши бо свыше, Всецарица Мати Дева / благословеньми венчавает воспевающий Ю. Людие да стекутся / и Царице да восплещут в песнех, Царя рождшей,/ иже смертию держимыя первее/ разрешити человеколюбно благоволившаго;/ пастырие и учителие,/ Добраго Пастыря Пречистую Матерь, сошедшеся, восхвалим./ Свещник златозарный, светоносный облак,/ Небес пространнейшую, одушевленный кивот,/ огнезрачный Владычень престол,/ манноприемную златую стамну,/ затворенную Слова дверь,/ всех христиан прибежище,/ песньми Богогласными похваляюще, сице рцем: / палате Слова, / сподоби смиренных нас небеснаго Царствия: // ничтоже бо невозможно ходатайству Твоему.

На часа́х:

Тропа́рь святителя, глас 4:

Правило веры и образ кротости, / воздержания учителя/ яви тя стаду твоему,/ яже вещей истина./ Сего ради стяжал еси смирением высокая, / нищетою богатая, / отче священноначальниче Николае,/ моли Христа Бога // спастися душам нашим.

Конда́к святителя Николая, глас 3:

В Ми́рех, святе, священнодействитель показался еси,/ Христово бо, преподобие, Евангелие исполнив, / положил еси душу твою о людех твоих / и спасл еси неповинныя от смерти./ Сего ради освятился еси, // яко великий таи́нник Божия благодати.

На литурги́и:

По вхо́де:

Тропа́рь святителя, глас 4:

Сла́ва Отцу́ и Сы́ну и Свято́му Ду́ху.

Конда́к святителя Николая, глас 3:

И ныне и присно и во веки веков. Аминь.

Кондáк иконе Божией Матери Калужской, глaс 6:

Не имамы песней, ниже словес, / како достойно восхваляти Тя, / Мати Христа Бога нашего, / явления ради чудотворныя иконы Твоея земли Калужстей, / токмо можем вопити Тебе: / не отврати милости Твоея от нас // и ниспосли ю всем притекающим к цельбоносной иконе Твоей.

Проки́мен святителя, глaс 7:

Возвеселится праведник о Господе/ и уповает на Него.

Прича́стен святителя:

Впамять вечную будет праведник, от слуха зла не убоится.

Аллилу́ия. (Трижды)

Не нашли, что искали? Воспользуйтесь поиском по сайту: