Если бы кто-нибудь справедливо был заподозрен 3 глава

О СВЯЩЕННИЧЕСКОМ САНУ
ПО СВЯЩЕННЫМ ПРАВИЛОМ.
ОТВЕТ СОБОРНОЙ²⁶². ГЛАВА 14

Тако же бы детей крестили и свадьбы венчали и воду святили в навечерии Богоявления и на иердани на Богоявление и на происхождение честного креста во всем священническом сану сполна. И вечерни бы и понахиды и навечерницы и полуношницы и заутрени и молебны пели по всем святым церквам в патрахелях да в ризах по обычают кроме монастырского чину, зане же в монастырех свой чин. А без риз бы да без патрахе-ли ни начинали ни пели по священным правилом, якоже глаголет 16 правило святых отец и 17 правило Иванна милостивого в поучение попом.

²⁶⁷ПРАВИЛО 17. СВЯТАГО
ИВАННА МИЛОСТИВАГО
В ПОУЧЕНИЕ ПОПОМ. ГЛАВА 16

Некоторый иерей от церкви Иванна милостивого нача слу-жити вечерню без стихаря. И видев Иван Милостивый и повеле изгнати его и иному иерею повеле совершити вечернюю службу. И неколико днии пробы не служа. И призва его архиепископ и рече ему: "Чадо, ведением ли сице сотвори или не ведая ли леностию или величаяся". И рече поп: "Владыко, неведением се сотворих". И рече ему Иванн: "Аще бы ведая се сотворил ecu или величаяся или леностию, то отнюдь бы тя из-вергл из поповства, но да простит бог тебя, и служи, яко иерей Христов вскладывай фелонь на вечернях и на заутренях и кресты носи, како соблазнился ecu отлагаеши начало иерейству, поставлен ecu первое дьяконом во стихарь и потом фелонь возложен. Како главы не храниши, а поконец ног ся держиши. Начало иерейству отвергл дьяконство и всего причта священнического еже о Христе, и раздираеши ризу от ризы, яко не первии ли злодеи ризу раздраша жидовстии воини, разделиша стихарь господень. Слыши господа глаголюща: "Аз есмъ начало и конец". И паки рече, пытайте писания, яко в тех имате обрести жизнь вечную. И тый суть о мне послу шест вующе". И рече поп: "Владыко, видех большия попы тако творяща". И рече Иванн: "И яз видех, яко вы творите богатыя и величавыя попы, большими иже у бога хуждъшии суть. А хуждьшия в ве-це сем и работая господеви со страхом в будущем веце вышше будут. И слыши господа глаголюша: "Не приидох, да ми послужат, но да послужу. И кто в вас хотяй быти болии в царствии небесном будет всем мнии и всем слуга". И то рече отпусти с миром. А о прочем церковном пении - все по уставу творити. Славословие петы и катавасии на сходех пети же, а на заутренях бы и на вечернях говорили псалмы²⁶⁸ и псалтырю тихо и неспешно со всяким вниманием. Такоже бы тропари и се-дальны сказывали по чину и неспешно, и потом чли бы. А вдруг бы псалмов и псалтыри не говорили. Такоже бы и канонов вдруг не канархали и не говорили по два вместе, занеже то в нашем православии велико безчинство и грех тако творити, святыми отцы отречено бысть. Аще кто с земным царем беседует, то со страхом и трепетом предстоит и всем сердцем и умом внемлет от царя глаглемая и не смеет зрети семо и овамо. Още ли оставая царя учнет клевретом своим²⁶⁹ беседовати, каково негодование от царя на себя привлечет И не токмо негодование, но и от лица царева изгнан будет таковый. Коль же паче всем православным во святых церквах на божественном на всяком пении, паче же на литоргиях святых, со страхом и трепетом предстояти ничтоже земнаго помышляюще, якоже писание глаголет, всяк правоверный со вниманием сердечным и со страхом божиим моляйся таковый с богом беседует. Аще кто во святых церквах оставя молитву учнет с други своими о тленных и мимотекущих беседовати, то от бога како услышан будет таковый. Мощно ли человеку зрети единым оком на небо, а другим на землю? Аще раби пред господином два или три или мнози разны вопросы творят вдруг, то како может господин послушати, аще не по единому их ответ сотворит. Такоже во святых церквах и в домех всем православным единеми усты и едином сердцем бога славити во услышание и в разум себе. Уши бы слышали, и сердце разумело. От разумного бо и благочинного божественного пения приходит всякому человеку умиление в душу и страх божий в сердце и умиленное покаяние и слезы, и всем умом к богу вопиюще. И слышав Господь общее и согласное вкупе моление, дарует благодать и милость рабом своим. Того ради подобает пети и чести и тропари гово-рити и седальцы сказывати и степенна пети и сказывати по чину и каноны канархати и говорили не вдруг. Но первие²⁷⁰ во охтайки и потом в минеи или первие в минеи и потом в триоди. Таже и прочая, якоже устав повелевает. Такоже и по вся воскресения и по всем владычним праздником чести и пети и каноны конархати и говорити не вдруг, но по чину и по преданию святых отец чинно и безмятежно безо всякого зазору церковного.

О ДЕТИНОМ КРЕЩЕНИИ²⁷¹. ГЛАВА 17

А детей бы крестили в церквах по уставу и по преданию святых апостол и святых отец. А не обливали водою, но погружали в три погружения. А крещали бы детей по священным правилом достоверно, якоже есть писано.²⁷² О крещении младенец. Крещается от священника, глаголюще сице: "Крещается раб божий имярек. Во имя Отца". И погружает его едино" щи, глаголя "аминь". Таже "И Сына. Аминь", и погружает паки. "И святаго Духа", и паки погружает третием. И глаголет:

"И ныне и присно и во веки веком аминь". Ведомо же буди, яко по апостольском 49 правиле измещется священник крести-вый сице рек: "Крестится раб божий, имярек. Во имя Отца и Сына и святаго Духа ныне и присно и во веки веком аминь". И тако погрузив крещаемаго, и паки тоже слово рек и паки погрузив. И паки тоже слово третием рек и паки погрузив. Крестит бо рече в три безначальныя и в три сыны и в три утешителя - в 9 лиц. Такоже измещется по 8 правиле и рекий все тожде слово и погрузив крещаемаго единощи, яко не славя воскресения. Но сице подобает крестити. Прием священник рука-ма крещаемаго и глаголет: "Крещается раб божий, имярек. Во имя Отца, аминь". И низводит его и возводит. "И Сына, аминь". Низводит и возводит. "И святаго Духа. Ныне и присно и во веки веком, аминь". И паки погружает его. И тако бы крестити в три лица божествена. В тридневное воскресение христово треми погруженми, и посем мажет его великим миром и облачит его во вся новая, прежде едав его на руки приемнику. И поет священник с людьми: "Блажени, имже отпустишася беззакония, и имже прикрышася греси" и прочая по уставу. А кум был бы один ²⁷³ любо мужеский пол, а любо женский, а по два бы кума и мнози кумове не были, как у вас преже сего было.

О ОБРУЧЕНИИ И О ВЕНЧАНИИ ОТВЕТ²⁷⁴. ГЛАВА 18

А обручение бы и венч ние было по божестве ному уставу все сполна во всем священническом чину. И венчали бы после обедни, а ночи бы²⁷⁵ не венчали. А венчали бы отрока пятинадесяти лет, а отроковицу двунадесяти лет по священным правилом. А меньши бы отрока пятинадесяти лет²⁷⁶ не венчали. И потом бы новобрачных поучали от божественного писания, како подобает православным по закону жити и прочая²⁷⁷.

ЧИН И УКАЗ.
АЩЕ БУДЕТ ПОНЯТИ ВДОВЦУ ДЕВИЦА
ИЛИ ЗА ЮНОШУ
ИДЕТ ВДОВИЦА. ГЛАВА 19

Пришедшим сим по литоргии в церковь и станут на месте пред святыми дверями. Священнику же наченшу во всем сану: "Благословен бог наш", таже все по ряду венчание. Именует напредь первобрачнаго имя и потом двоебрачного или есть мужеский пол или женский. И по скончании всего глаголет молитву о двоеженце²⁷⁸. Аще ли случится и треженец быти един от них, в той молитве применяет глаголя: "К третьему совокуплению", и не глаголет "браку", понеже нужа ради телесныя се бывает. Таже отпуст. Аще ли есть в неделю глаголется воскрес из мертвых Христос истинный бог наш молитвами пречистыя его матери, и святаго егоже есть храм, и егоже есть день, и всех святых помилует и спасет нас, яко благий человеколюбец.

ИССЛЕДОВАНИЕ ИНО²⁷⁹. ГЛАВА 20

²⁸⁰Како подобает благословити и совокупити мужеского полу и женскаго обоим сущим во вдовстве, двоеженец, и понужи троеженец введены будут сии в церковь, и возложив поп на себя патрахель и фелонь, такоже глаголет: "Благословен бог наш". Таже "Святый боже" трижды, "Слава и ныне", "Пресвятая Троице", "Господи помилуй" трижды, "Слава и ныне", "Отче наш". Священник: "Яко твое есть царство". Таже тропарь и кондак дню. "Слава и ныне", "Богородичен". Диакон: "Господу помолимся". Священник глаголет молитву сию: "Господи боже наш, иже Авраама друга назвав, и Исаака возлюбив, и Якова к жене Лии совокупив, устроивше того и второму ложу Рахилину приобщитися, сам ныне благослови рабы своя сия, имярек. Освяти иже ко второму браку, или третьему, приходящая, ради естественного искушения и еже ко юности при-лучшагося вдовства. Ты бо хотя немощи нашей Павлом сосудом избрания твоего законоположив, лучше быти телесного разжежения, еже Господи брака, немятежен тех живот соблюди, целомудренно тем пожити благоволи в повелении твоих бдящих отпряженъя соуза, яко твоя держава и твое есть царство и сила и слава Отца и Сына и святаго Духа ныне и присно и во веки веков аминь". Апостол в среду 17 недели зачало 231. Ко Ефесеом: "Братие мужие, любите своя жены, яко и Хри-стос возлюби церковь и предася сам за ню, да ю освятит, очистив банею водною словом, да ю поставит себе славну церковь неимущу скверны ни клосни ни иного таковаго, но да будет свята и непорочна. Тако суть должни мужи любити своя жены, аки своя телеса: любяй свою жену, себе любит - никтоже бо никогда же своея плоти ненавидит, но кормит ю и греет. Яко-же и Христос церкви, удове есмы телеси его и от плоти его и от телесе его и от кости его. Сего ради оставит человек отца и матерь и прилепится жене своей и будета²⁸¹ в плоть едину. Тайна сия велика есть. Аз же глаголю во Исусову церковь: Обаче и вы поединому кождо свою жену тако да любит". И посем ектенья, "Помилуй нас боже", таже поминает царя и святителя и поимающихся, таже и отпуст, Христос истинный бог наш молитвами пречистыя его матери, и святого егоже есть храм, и егоже есть день, и всех святых помилует и спасет нас, яко благий человеколюбец.

О ВТОРОМ БРАЦЕ²⁸².
ИЖЕ ВО СВЯТЫХ ОТЦА
НАШЕГО НИКИФОРА²⁸³ КОНСТАНТИНА
ГРАДА ИСПОВЕДНИКА. ГЛАВА 21

Правило о церковных его сочинениях, иже с ним святых отец правило второе. Двоеженец не венчается, но и запрещение приемлет не причастится святых тайн два лета, а треженец 5 лет.

О ТОМ ЖЕ НИКИТЫ БЛАЖЕННАГО
МИТРОПОЛИТА ИРАКЛИИСКОГО²⁸⁴
ОТВЕТЫ
К НЕКОМУ КОНСТАНТИНУ ЕПИСКОПУ.
О НИХ ЖЕ ВОПРОШЕН БЫСТЬ.
О ДВОЕЖЕНЦЕХ ЗАПРЕЩЕНИЕ. ГЛАВА 22

Опасенъе, убо двоеженца не обычно венчати. Великая же церкви обычая сицева не разсмотряет, но и на джвоеженцы не-вестныя венцы возлаг ет, и никтоже от сего, когда обвиновен бысть, обаче едино или две лете причащения отлучает их, но и венчавшаго презвитера с ними вечеряти не попусти. По седмому правилу иже в Неокесарии сбора.

О ВТОРОМ ЖЕ БРАКУ
И О ТРЕЖЕНЦEX. ГЛАВА 23

А второму браку венчания несть, но токмо молитва по правилом, и третьему молитва под запрещением по священным правилом. Второму - 2 лета епитемьи, аще будет млад, то едино лето. А тертьему пять лет от общения и ото всякия святыни. А четвертый бы брак от вас никогда же не именовался, четвертый же брак и законниц правила возбраняют, блудяй убо себе единому неправду сию имеет. А иже четвертого брака яко рекше себе смесив поругается, убо сим возбраняющим божественным и священным правилом, он убо который разрушает божественных и священных правил, каковое имеет благочестие и каковый ответ ждет на страшном суде, той убо и сам себе отлучи от славы божия. Богословию же тезоименитый великий Григорий: первый, рече, брак-закон, вторый-прощение, третий-законопреступление, четвертый-нечестие, понеже свинское есть житие. Премудрый же цар Лев и к четвертому браку совокупился бяше. И во отлучение впаде от Николы патриарха. Ему же много моляшеся царь, еже разрешит его от таковаго связания. Якоже он неумолен бысть, от церкви его изгна и в него место паки Евфимия мужа освященна постави на патрияршество. И сему много молящеся, еже разрешити его от таковаго связания, и не токмо разреши его, но отвержена и непрощена сотвори ради четвертого браку со множайшими святытельми возбранив ему.

О ЧЕТВЕРТОМ ЖЕ ОТРЕЧЕННОМ БРАКУ
И О ТРЕТИЕМ. ГЛАВА 24

По великого же убо Василия слову, аще муж имет жити с четвертою женою или жена за четвертым мужем, тех божественая правила отлучают во церковь не входи и 4 лета. По четвертом же лете входит во церковь, божественаго же причащения не приемлет до 10 ²⁸⁵ лет ни доры ни богородична хлеба. Т режен-цы же низвержающихся, якоже скверны церковныя, бывше, даже до пяти лет не причастным были повелевает. Летом сим мимошедшим и паки единою в лете к причащению божественному приходит в честного и спасительного дни пасхи. В великий лее тот пост преже того великого дни да про дочищают себе, елика их сила есть. Аще ли духовник видит, тот человека запрещением обязанного пекущася о согрешении том вельми и плачущася и рыдающа и во унынии ходяща сердечнем, причащает паки того на третье лето причтавшагося к третьему браку. Который же священник, смея здеяти паче заповеданного времени таковых причащения божественаго сподобити, о своем степени постражет. Но паки к третьему поиманию, аще хотят кто совоку-питися и аще будет добре млад, детей не будет от него ни от первого брака ни от второго, тому надобе разсужение со опитемью великою, едва совокупитися к третьему браку. А которые простые люди имут пити до обеда²⁸⁶, и вы таким возбраняйте. И просвиры и богородична хлебца не давайте Аондеже исправятся²⁸⁷. Да и сами бы есте священницы не отправив правила ранняго пития и ядения не вподобно время никакоже касалися, да не от вас будет соблазн миру. Аще простей согрешит, то един о себе ответ даст. А иерей согрешит, то о мнозех ответ дати. И вы бы боялися священных правил тягости, да не от вас самех мнозем простым человеком протыкание и соблазн будет. Якоже рече писание: "Смущаяй грех, да понесет..." и прочая.

О ДЬЯЦЕХ ХОТЯЩИХ ВО ДЬЯКОНЫ
И В ПОПЫ СТАВИТИС Я. ГЛАВА 25

О ставленикех хотящих во дьяконы и в попы ставитися²⁸⁸, а грамоте мало умеют. И святителем их поставили ино сопротивно священным правилом. А не поставити, ино святыя церкви без пения будут, а православные хрестъяне учнут без покаяния умирати²⁸⁹. И святителем избирати по священным правилом в попы, ставити 30 лет, а в диаконы 25 лет. А грамоте бы умели, чтобы могли церковь божию содержати и детей своих духовных, православных хрестьян, управити могли по священным правилом, да о том их святители истязуют с великим запрещением, почему мало умеют грамоте. И они ответ чинят: "Мы, де, учимся у своих отцов или у своих мастеров, а инде нам учитися негде. Сколько отцы наши и мастеры умеют, потому и нас учат". А отцы их и мастеры их и сами потому ж мало умеют и силы в божественном писании не знают, а учитися им негде. А преже всего в росийском царствии на Москве и в великом Новегороде и по иным городом многия училища бывали, грамоте и писати и пети и чести учили. И потому тогда грамоте и писати и пети и чести гораздых много было. Но певцы и четцы и добры писцы славны были по всей земли и до днесь.

²⁹⁰О УЧИЛИЩАХ КНИЖНЫХ
ПО ВСЕМ ГРАДОМ. ГЛАВА 26

И мы о том по царскому совету соборне уложили, в царствующем граде Москве и по всем градом²⁹¹ тем же протопопом и старейшим священником и со всеми священники и дьяконы кийждо во своем²⁹² граде, по благословению своего святителя избрати добрых духовных священников и дьяконов и дьяков женатых и благочестивых, имущих в сердцы страх божий, могущих и иных пользовати, и грамоте бы и чести²⁹³ и писати горазди. И у тех священников и у дьяконов и у дьяков учинити в домех училища, чтобы священницы и дьяконы²⁹⁴ и все православные хрестъяне в коемждо граде предавали им своих детей на учение грамоте и на учение книжного писма и церковного петия псалтырного²⁹⁵ и чтения налойнаго. И те бы священники и дьяконы и дьяки избранные учили своих учеников страху божию и грамоте и писати и пети и чести со всяким духовным наказанием, наипаче же всего учеников бы своих брег-ли и хранили во всякой чистоте и блюли их ото всякого²⁹⁶ растления, наипаче же от скверного содомского греха и рукоблудия и ото всякия нечистоты, чтобы им вашим брожением и поучением, пришед в возраст достойным быти священнического чину. Да учеников же бы есте своих во святых церквах божиих наказывали и учили страху божию и всякому благочинию псалмопению и чтению²⁹⁷ и пению и канарханию по церковному чину. А учили бы есте своих учеников грамоте довольно, сколько сами умеете. И силу бы им в писании сказывали по данному вам от бога таланту ничтоже скрывающе, чтобы ученицы ваши все книги учили²⁹⁸ , которые соборная святая церковь приемлет, чтобы потом и впредь могли не токмо себе, но и протчих пользовати и учити страху божию о всех полезных, также бы учили своих учеников чести и пети и писати, сколько сами оне умеют, ничтоже скрывающе, но от бога мзды ожидающе, а и зде от их родителей дары и почести приемлюще по их достоинству.

О КРЕСТЯЩИХСЯ НЕ ПО ЧИНУ. ГЛАВА 32

Мнози неразумнии человецы, махающе рукою по лицу своему, творят крестящеся, а всуе тружающеся. Тому бо маханию бесирадуются. А тако есть право креститится. Первое положити руку на челе своем, потом на персех, таже на правом плече, потом на левом, то есть истинное воображение крестному знамению, аще кто право крещает лице свое сим знамением, той никогда же не убоится дьявола ни злаго супостата и от бога мзду приимет за то, аще кто и единова прекрестит лице свое и по истине право крестится. Аще ли кто леностию или невежествием не исправляет креста на лице своем, той отмещется креста Христова и предается дьяволу. И аще кто наставник будет и научит неразумных, а они приемлют с радостию, то от Господа сугубу мзду восприимет за то. А кто не внимает, ни послушает благаго наказания, да будет отлучен. И о тех и о всех предиреченных церковных испрвлениях священным протопопом и всем священником по священным правилом бречи накрепко. И о всем самем жити со благоговением и с постом и молитвами и по чину священническому и в прочих добродетелех. И детей своих Духовных, православных крестьян, учити закону и страху бо-жию и исправляти по священным правилом, како им подобает жити в чистоте и в покаянии, со благоговением и в посте, и в молитвах, и е братолюбии, мирно и любовь между собою имущи, и приходящая святыя посты прилежно и честно с постом и молитвами и со многим воздержанием провожати и держати честно, и по вся дни ко святым божиим церквам и ко всякому соборному пению приходили бы, и стояли бы на молитве со благоговением и со страхом божиим, и брегли бы о всем благоговейнстве церковном, чтобы по всем церквам соборным и несоборным церковный чин о всем шел по уставу и по преданию святых апостол и святых отец. А от пъянственнаго бы безмерного пития священныя протопопы и священники и дьяконы воз-держалися и в пьянство бы в конец не упивалися, да и детей своих духовных наказывали, чтобы в пьянство не упивалися нигде же, бо несть писано, что не пити вина, н буди нам таковая мудрствовати ниже запрещати, но сам бог созда и повеле пити вино в веселие и, а не во пьянство. Также и ясти не во объядение, но в сытость и в славу божию. Также святии апосто-ли и святии отцы уставиша и заповедаша ясти и пити в славу божию, а от упивания в пьянство и от объядения вельми запре-тиша и под запрещением учиниша не токмо священным, но и простым, по реченному во святом евангелии, якоже сам Христос отрече: "Да не отягчают сердца ваша объядением и пьянством и печальми житейскими". Такоже и божественный Павел отрече: "Братие, не упивайтеся вином, в немже несть спасения, но паче блуд". И паки рече. "Пьяницы и блудницы царства небеснаго не наследят". И много о том упивании в пьянство в божественном писании отречено быстъ. Якоже и божественный апостол Павел, паки собрав отрече: "Не прелъщайтеся ни блудницы, ни прелюбодеи, ни мужеложницы, ни скотоложники, ни рукоблудники, ни лихоимцы, ни хищницы, ни чародеи, ни пия-ницы, ни татие. Все таковии царства небесного не наследят".

О СОДОМСКОМ ГРЕСЕ. ГЛАВА 33

Нецыи же к тому злу, забыв страх божий, скверное беззаконие творят, иже не подобает творити православным, реку же, содомскую пагубу многим людем на смятение и на соблазн и погибель. А от множества народа и от иноверных поношение и укоризна нашей православной вере хрестъянстей. И о тех о всех отреченных и скверных и зазорных дел скаредных отцем духовным священным протопопом и священником детей своих духовных накрепко испытовати и запрещати с великим истязанием духовным, чтобы таких скверных и морских дел не творили. И которые покаются и вперед обещаются³¹⁸, и вы бы их исправливали по правилом святых апостол и святых отец, а без опи-темьи бы есте не прощали. А которые не исправятся ни покаются и вы бы их ото всякия святыни отлучали и в церковь входу не давали, и приносу от них не принимали, дондеже покаются и престанут от своих зол. Таких бо ради скверных дел божий гнев приходит на православное хрестьянство: овогда ратию, иногда же глади, овогда же тлетворныя ветры, овогда же падение человеком и скотом сииречь смертная язва, иногда же великие пожары и иные многие казни наводит господь бог к нашему правлению, чтобы таковая мерзость и законопреступныя дела никогда же в православии не именовалися и попраны бы были до конца.

О ЦЕРКОВНОМ ЧИНУ. ГЛАВА 34

Священным протопопом по соборным церквам, а старостам священником и десяцким по всем церквам дозирати почасту, чтобы у них было по чину и по уставу великого нашего православия везде чинно по церковному чину. Яко да человеколюбец Господь бог, видя всех нас обращение и чистое покаяние, избавит нас належащих всегда праведных своих прощений и отовра-тит всякого своего гнева, и милостивым оком призрит на свое достояние, и из авит нас мучения и пленения и печалей, видимых и невидимых враг, да сподобит ны всякого пребогатнаго своего благаго воздаяния. И того бы ради протопопы по сеем собором и старосты и десяцкие священники по вся дни брегли и пытали³¹⁹ бы священников, приходящих к ним, держат ли у себя хиротонии и чтут ли по них и себе внемлют ли. И аще чтут или внемлют благоугодно богу. А у которых священников не будут хиротонии, и те бы приходили к святителем кождо во своем пределе и имали хиротонии от своих святителей, да также бы ходили и внимали себе потому³²⁰, как в них писано. А учнут которые священники и дьяконы жцти в слабости и в³²¹ пьянстве и в прочих неподобных делех, ихже ненавидит Бог. Или учнут глумитися ³²² мирскими кощунами и ходити на мирская позорища, ихже священником не подобает смотрити и слушати³²³, или в корчмы ходити и игры слу-шати, или учнут нерадиво жити и о ³²⁴церкви божий небрещи, или учнут о своих детех духовных нерадити и того церковного дела небречи, или не учити их страху божию своего ради безчинства, якоже достоит жити по закону божию всякому крестьянину , и о том о всем известно и достоверно протопопы и старосты испытовают священников и добрых людей и ис-пытавше твердо о всем о том да возвещают святителем митрополиту и архиепискупом и епископум, койждо во своем пределе. И святители тех попов и дьяконов о их безчинстве духовно наказывают с великим запрещением: овому духовное наказание, овому страх, иному же отлучение по священным правилом. А которые священницы и дьяконы не учнут слушати святительского наказания по правилом святых апостол и святых отец и по святей хиротонии, таковии будут от своих святителей в конечном отлучении священства и предани будут церковному суду. А по которых безчинных священницех и дьяконех начнут покрывати протопопы и старосты и десяцкие³²⁵, и тем са-мем быти от святителей в наказании и во отлучении по тем же священным правилом³²⁶. А о духовных делех протопопы и священницы о своих детех духовных да приходят спрашивати кийждо к своему святителю, и святители, их поучают и наказывают по священным правилом, чтобы о своем священстве и о душевной пользе колико мощно и о всей от Бога врученной пастве всегда попечение имели по своему священническому долгу, по Господню слову глаголющему: ему же, бо рече, много дается, и много взыщется от него. И того ради вам священником подобает своих духовных детей поучати и наказывати прилежно, чтобы все православные крестьяне к церквам божиим ходили и к вам на покаяние приходили с женами своими и с детьми и жили бы потому же в чистоте и в покаянии и в прочих добродете-лех, якоже подобает православным крестьянам. А развес бы жен своих не знали иных и наложниц не держали, и чад своих наказывали и учили страху божию.

О НАКАЗАНИИ ЧАД СВОИХ. ГЛАВА 36

Также и чада их родителей своих почитали бы и слушали во всем по священным правилом. Иже чтет родителя своя, той оцыстится от грех своих и от бога прославится. Аще ли кто злословит родителя³³², и сей пред богом грешен есть, а от людей проклят. Аще ли биет отца или матерь, от церкви да отлучится и смертию да умрет. Писано бо есть, отчая молитва сына непокорива изсушит, а материя искоренит. А слушаяй и почитаяй родителя, доб о ему будет и будет многолетен на земли. Такоже и юных детей своих наказуйте и учите страху божию, чтобы жили в чистоте и в покаянии и в прочих добродетелех. А сквернословие бы и празднословие никогда же не именовалося.

А которые ваши дети духовные не возмогут чистоты храни-ти, и они бы женилися и браком сочталися и жили бы с своими женами по закону. А содомския бы скверныя дела в православных крестьянех³³³ мужеложство и скотоложство и рукоблудие и всякая нечистота никогда же не именовалася вашим священническим поучением и наказанием³³⁴. О таковых бо и божественный апостол Павел собрав огрече³³⁵, якоже и преди рекохом, не прельщайтеся ни блудницы, ни прелюбодеи, ни мужеложники, ни скотоложники, ни рукоблудники, ни лихоимцы, ни хищницы, ни чародеи, ни пьяницы, ни татие, - все бо таковии царства небесного не наследят. А кающихся и обращающихся от таковых гресех святая церковь приемлет и по священным правилом на уреченные лета священницы их отлучают дондеже исправятся.

О ТОМ ЧТОБЫ НА ЛЖИ BE КРЕСТА НЕ ЦЕЛОВАЛИ. ГЛАВА 37

Такоже бы есте своих детей духовных поучали и наказывали и страху божию, чтобы промеж себя и в соседстве жили любовно: не крали и не разбивали, и не ябедничали, и налживе не по-слушествовали, и чюжаго не восхищали, и сами не обидели и скверными речьми не укорялися³³⁶, и на криве бы креста не целовали и именем божиим во лжи не ротилися и не клялися. Занеже православным хрестьяном крестное целование ротою и на криве отнюд в конец отречено бысть священными правилы, но едан от Христа крестьянам крест на освящение и просвещение и на отогнание враг видимых и невидимых. И того ради православным святому кресту верою покланятися и истиною и чистотою и того честного креста целовати со страхом и трепетом и с чистою совестию. И целуяй тако крест освящает себе и от болезней и от недуг всяческих исцелевает. А не верою и не истинно и на лжи целуяй крест и той бо лже обещник есть, не-исцельно врежает себе и по писанию, яко богоубийца³³⁷ вменяется таковый и поругатель честному кресту. Аще бо на человека хуление не может оставлено быти безо мсти, то кольма паче божество похуливый. Егоже и месть себе своими усты поставив: "Мне месть аз воздам", - глаголет Господь. Аще кто таковая преступит и сотворит злое беззаконие и преступление, таковый под запрещением и во отлучении суть от всякия святыни на уреченные лета по правилом святых апостол и святых отец.

О ТОМ ЖЕ КРЕСТНОМ ЦЕЛОВАНИИ ОТ БОЖЕСТВЕННЫХ ПРАВИЛ. ГЛАВА 38

Всего злее преступати крестное целование: целовати накриве святый крест или икона святые Богородицы или иного святаго образ. Се бо видев ³³⁸ Захария пророк сходящ серп огнен с небесе на землю и вопроси: "Что есть. Господи, серп сей?" И рече: "Гнев божий посылается от руки божия на тех, иже ходят накриве роте. Да поженет пламен их, и душа предастся огню негасимому". И вы бы, священные протопопы, по всем соборным церквам о всем о том детей своих духовных поучали и наказывали, чтобы ко святым божиим церквам приходили с женами и с детьми с верою и любовию, и стояли бы на всяком божественном пении, наипаче же на литоргиях святых и на молеб-нех, и на часех, и на вечернях, и на всяком церковном божественном правиле, со страхом и трепетом и с великим вниманием и со слезами и сердечным воздыханием о своих согрешенни-их кииждо с покаянием и с чистою совестию и сокрушенным сердцем, себе внимающе, ничтоже земнаго помышляюще, аки на небеси мнящеся стояти, занеже святая церковь второе³³⁹ небо именуется. И подобает ³⁴⁰ не токмо архиереом и царем, но и всем священным и всем православным со страхом и с трепетом в ней бога славити и о своих согрешениях молитися комуждо ил елика сила. А шептания бо и роптания и сквернословия, и празднословия, и непотребного разсужения, и судов, и повестей, и скверных словес и иных неподобных дел во святых божиих церквах на божественном пении ³⁴¹ никогда лее от православных не именовалося, занеже священныя правила апостольския и отеческия о всех тех неподобных делех заповедают и под запрещением полагают. Якоже и сам Христос бог наш вшед во святую церковь и обрете в ней продающая и купующая волы и голуби, и сотвори бичъ от верви, и изгна безчинныя из церкви, и дцки о проверже, и продающим голуби рече: "Возмите убо сия отсюду и не творите я". И глагола им: "Храм мой - храм молитвы наречется, вы же сотворите вертеп и пещеру разбойничью". Коль же поле архиреом и всем священным протопопом и священником подобает о церковном чину бречи и безчинником возбраняти. По первом и втором наказании повелевают таковых из церкви изгоняти, аще таковый не исправятся и вопреки глаголют, и священныя правила таким запрещают и от церкви отлучают дондеже исправятся.

Не нашли, что искали? Воспользуйтесь поиском по сайту: